首先多謝各位親人、朋友、同事對我嘅祝福。願望當然係母親、自己、老婆、囝仔🐱仔都身體健康！精精神神。
重有兩年便可以退休。由於年紀相若，部分身邊同事、朋友都快步入/已經退休。有啲就優哉游哉週遊列國，呢種我最羨慕。部分就自降身價繼續工作，又話退休後好悶，返工有人同佢傾計喎，呢種我最唔認同。還有啲由於快將退休，密切留意住快將推出嘅延長退休計劃，各適其式。
而自己則覺得定時定刻卅幾十年，餘下剩返幾多心中有數，自己生命值一路開始減少，點解重要為咗多少少💰而繼續操勞，傷害自己。我嘅興趣多都數都數唔哂並與日俱增，所以我只會用係自己喜歡嘅事情。雖然現在重做緊樓奴，但多有多洗，少有少用啫，最緊要都係身體健康，延長退休對我來說"No way"
