河馬仔的葬禮

昨天(8 November 2008)是河馬仔的葬禮.我和Clara見過牠最後的一面.牠還是那麼的可愛!手仔腳仔非常粗壯,Clara和我的淚水都奪眶而出!牠的身體雖然是冷冷的,但腦海裏不期然回想牠為我們所帶來的快樂還是十分溫暖!
及後在我們和牠話別便進行火化,我們把牠的骨灰埋葬在二哥Ban仔附近,而嫲嫲亦為河馬仔預備了牠最喜歡吃的腸仔飽和雞肉.
河馬仔,感謝您為我們帶來的歡樂!我們會永遠懷念你!

奠--Our lovely "Homer-河馬仔"

奠
昨天,是我們感到非常傷感及悲痛的日子,Homer因一次意外而離逝.我不想在這裏去講牠的去世原因,現在我只可說只能夠話我們每一家庭成員都負有責任. 我們每每認為不幸的事件不會發生在自己身上,但昨天則應驗在我身上!
作為一位貓主,這次的意外完全可以避免的,但我又懶懶暇唔去不做.結果造成昨天的因果悲劇.
今天,自尊心極重的我本不想去給同事們知道我心情是多麼的壞,沉重,痛苦!無奈地我無法控制,只有--哭!
從事發至今,我儘量唔想去回憶往時與牠一起走過的日子.但無奈地牠那可愛活潑的片段無刻地浮現在我腦中,我作為一位時刻自稱愛貓的人更加感到自己慚愧甚至可以講係羞恥.我雖則已到中年,但不會因為哭而覺得慚愧,反之我只會對Homer的所作所為而慚愧容我在這裏向您“Homer”說一聲“對不起”希望您在天堂更有開心快樂的日子.

貓成員近照

除了之前post出來個兩個新成員相,一次過post埋其他四隻成員相俾你地睇!

再加添兩名貓仔家庭新成員

已經幾個月無寫文章,終於有新題目.

新到的兩位貓成員都是男仔,大的七個月大,細就三個月大.大貓叫"Chocolate"因佢正係朱古力色,細貓叫"Dan",佢同三哥一樣一出世時左眼已經傷殘,好可憐啊!還好牠不旦無自卑還非常活潑.

惡霸--河馬

三個月,Homer仔已經三個月了,睇住佢一日一日長大,佢真係怪怪地,從不食乾糧,只食濕糧.重好鬼大食,一日最小三餐,份量比其他猫仔重要多!

而佢既行為真係好鬼曳,乜野都攪一餐.有時連佢啲大佬都敢攪,但其他猫仔好似大哥Sam,豬仔Chiu都係"Fee"兩下佢就避開佢,睇住黎,遲早一日會做返場大戲"六國大封相"

我--lazy

冇得解釋,一個字"懶"!終於大半個月後再出post.
而事實依幾星期休息日都有野搞,五月頭又出席咗個office活動,初時都唸住純綷係俾面派對,但事後又覺得幾好玩,起碼成team人大家玩下,溝通下,唔駛成日困係office,可惜時間短咗啲.
之前自己又pat pat痕,重新執個部電腦,轉用Vista,買左隻高清手指唸住睇下高清節目.結果-唉!舊資料total lost,新system又要重新學過,真係自尋煩惱!

三週後的Homer

話咁快河馬仔己經係我地屋企住左三星期,與其他哥哥和牠的未來老婆仔關係亦都熟絡起來.現在佢已不須關在籠內,全日自由活動.牠的食量真的十分驚人,但好似對乾糧無乜興趣.

一星期後的河馬仔(Homer)

話咁快又一星期,河馬仔真係好鬼活潑,一困佢係籠度就鬼殺咁嘈要出嚟,佢好大食,又食極都唔飽.不過對的乾糧又冇乜興趣.

貓仔"Homer"

今日終於帶"河馬仔"返屋企.初時都擔心其他成員反對,尤其是大哥森.佢今日心情唔多好,摸下佢都咬.好彩返到嚟又冇乜野,而其他成員"超"和"吉蒂"睇嚟無乜反對.大哥森更繼續一如以往做佢既保母角色,陪伴住河馬仔左右.

新機相片

第一次用單鏡機,技術唔係幾好,但好有滿足感,、影我的心肝寶貝神態真係"正"

大出血!

係一個星期內先後買了一部傻瓜相機IXUS 960IS,再過一曰又買左部單鏡機40D,今日又買左個42吋Sharp LCD TV睇高清!四個月補水洗晒重洗特埋!死啊,又患重病--荷包乾硬化,急牲發錢寒.

三月份菲律賓南部"Leyte"之旅

距離上一次外潛已經等咗差不多年幾,終於可以出外抖抖.

今次行程總結:

-交通安排十分費時---2.5小時機程, 2.5小時船程, 3小時車程(不包括轉程時間),造成非常疲累.

-間resort到幾好,我間房向正個海,而Dive site亦都有七彩大片珊瑚,水都算清,但冇大藍水.但總覺景色一般,可能之前去過PG關係吧!另外由於個鬼佬老細兼做DM,但佢又唔熟地形,冇乜揾到野俾我地睇.全程佢有佢潛,我有我潛.

-而重要的係係呢個trip連部Canon G7都flood埋,都係叠埋心水升級上DSLR!

唔寫咁多啦,睇相吧!

新嘗試!

草草地建立了個人網誌,希望和大家分享下一些生活點滴.